Uşaqların Beynəlxalq Müdafiəsi Gününə özəl
Uşaqlıq dövrü insan həyatının ən həssas və sürətli inkişaf mərhələsidir. Bu illərdə uşaqlar həm fiziki, həm də zehni və psixoloji baxımdan formalaşır. Onların necə qidalanması isə gələcək sağlamlıqlarının, hətta həyat tərzlərinin bünövrəsini qoyur. Bu səbəbdən də övladların balanslı və keyfiyyətli qidalanması hər bir valideyn üçün ən önəmli məsələlərdən biridir.
Günləri oyunla, öyrənməklə və hərəkətlə dolu olan uşaqların bədəni də, zehni də daim inkişaf halındadır. Buna görə də uşaqların qida rasionu həm enerji ehtiyaclarını qarşılamalı, həm də sağlam böyümələri üçün zəruri vitamin və minerallarla zəngin olmalıdır.
Zülallar uşağın sağlam inkişafı üçün vacib olub, əzələlərin və toxumaların qurulmasında, həmçinin immun sisteminin güclü qalmasında mühüm rol oynayır. Ət, toyuq, balıq, yumurta, süd məhsulları və paxlalılar (noxud, mərci, lobya) bu baxımdan ideal qidalardır.
Karbohidratlar uşağın enerjisini təmin edən əsas gücdür. Tam taxıllı çörək, düyü, yulaf, kartof, tərəvəz və meyvələr onların aktiv və sağlam qalmasına kömək edir.
Yağlar, xüsusilə doymamış yağlar uşaqların beyin inkişafı və ümumi sağlamlığı üçün çox önəmlidir. Zeytun yağı, kətan toxumu yağı, qoz, badam, avokado və yağlı balıqların düzgün miqdarda rasionda olması tövsiyə olunur.
Uşaqların sağlam böyüməsi üçün vitamin və minerallar da böyük əhəmiyyət daşıyır. Kalsium sümükləri və dişləri möhkəmləndirir, dəmir isə qan dövranını və ümumi enerjini tənzimləyir. A və C vitaminləri uşağın görmə qabiliyyəti, dəri sağlamlığı və immuniteti üçün vacibdir. Bu vitaminləri almaq üçün kök, portağal, alma, pomidor kimi təbii məhsullara üstünlük verilməlidir.
Biz bilirik ki, valideyn olaraq siz övladlarınız üçün həmişə keyfiyyətli və sağlam məhsulları seçməyə diqqət göstərirsiniz. Odur ki “Araz”da uşaqlarınızın sağlam inkişafı üçün təravətli meyvələr, keyfiyyətli ət məhsulları və digər faydalı qidalar hər zaman mövcuddur. Biz məhsulların təzəliyi və etibarlılığına xüsusi önəm veririk ki, siz dəyərli valideynlər hər zaman rahat və əminliklə alış-veriş edəsiniz.
