Yayın sevilən desertləri

Yay aylarında hazırlanması asan və yüngül desertlər süfrələrin sevilən seçimlərindən olur. Az sayda məhsulla hazırlanan bu reseptlər həm vaxta qənaət edir, həm də isti havalarda əla seçimdir. Bu desertlərin ən böyük üstünlüklərindən biri onların bişmədən hazırlanmasıdır. "Araz" supermarketlər şəbəkəsində satılan təzə və mövsümi meyvələrlə isə desertlərinizə xüsusi dad qata bilərsiniz.

Çiyələkli yoğurt

Ərzaqlar:

• 1 stəkan qatıq 
• 5-6 ədəd çiyələk 
• 1 xörək qaşığı şəkər tozu (və ya bal)

Hazırlanması:

Çiyələkləri çəngəl ilə əzib qatıq və şəkər tozu ilə qarışdırın. Üzərini çiyələk dilimləri ilə bəzəyərək soyuq şəkildə servis edin.

Limonlu “cheesecake”

Ərzaqlar:

• 200 q peçenye
•  80 q kərə yağı
• 300 q krem pendir
• 200 ml qaymaq
• 1 limonun suyu və rəndələnmiş qabığı
• şəkər tozu

Hazırlanması:

Əzilmiş peçenyeni əridilmiş kərə yağı ilə qarışdıraraq qəlibin altına yayın. Ayrı qabda krem pendiri, qaymağı, limon suyu, limon qabığı və şəkər tozunu qarışdırın. Hazırladığınız kremi peçenye qatının üzərinə əlavə edib 3-4 saat soyuducuda saxlayın.

Çia pudinqi

Ərzaqlar:

• 2 xörək qaşığı çia toxumu
• 1 stəkan süd
• 1 çay qaşığı bal
• Çiyələk, moruq və ya digər meyvələr

Hazırlanması:

Çia toxumunu süd və bal ilə qarışdırın. Qarışığı ən azı 4 saat, mümkün olduqda isə bir gecə soyuducuda saxlayın. Servis etməzdən əvvəl üzərinə doğranmış meyvələr əlavə edin.

Yay desertlərini hazırlayarkən nələrə diqqət etmək lazımdır?

• Təzə və mövsümi meyvələrdən istifadə etmək desertlərin dadını daha da artırır. 
• Süd məhsullarını hazırlanana qədər soyuducuda saxlamaq məsləhətdir. 
• Desertləri servis etməzdən əvvəl bir müddət soyuducuda saxlamaq daha yaxşı nəticə verir. 
• Desertləri şəffaf stəkan və ya kiçik qablarda təqdim etmək görünüşünü daha cəlbedici edir.