“Araz” supermarketlər şəbəkəsi mikro və kiçik sahibkarların istehsal etdiyi yerli məhsulların bazara çıxışının asanlaşdırılmasına daim dəstək göstərir. Bununla da “Araz” ölkəmizdə yerli məhsulların istehsal həcminin artırılması istiqamətində həyata keçirilən tədbirlərə töhfə verir.
Hazırda “Araz” supermarketlərdə qida və qeyri-qida olmaqla 25 kateqoriya üzrə, özəl markaya məxsus məhsul satılır. Bu markalar üzrə 1000-dən çox çeşid “Araz” müştərilərinə təqdim olunur. “Tac”, “Soba”, “Mastero”, “Bloom”, “Dalğa”, “Südçü” adlı özəl marka məhsulları “Yalnız “Araz”da” konsepsiyası çərçivəsində uyğun qiymətlərlə müştərilərə təklif edilir.
Şəxsi marka məhsullarının istehsalında “Araz”ın əsas prioritetlərindən biri yerli məhsulların bazara çıxışının asanlaşdırılması, həmçinin tanıdılması və satışına dəstək göstərməkdir. Bununla da “Araz” ölkəmizdə yerli məhsulların istehsal həcminin artırılması istiqamətində həyata keçirilən tədbirlərə öz töhfəsini verir.
İdxal məhsullarımız
Müştərilərin tələbatını nəzərə alaraq “Araz” supermarketlər şəbəkəsi yerli məhsullarla yanaşı, qida və qeyri-qida kateqoriyalarına aid idxal məhsullarına da rəflərində yer ayırır. Hazırda “Araz” mağazalarında 191 kateqoriya üzrə 2052-dən çox çeşiddə xarici ölkədə istehsal edilən məhsul alıcılara təqdim olunur.
2024-cü ildə dünyanın 20 ölkəsindən – Türkiyə, Rusiya, Belarus, Ukrayna, Gürcüstan, İran, Polşa, Latviya, Danimarka, Rumıniya, Niderland, Almaniya, Özbəkistan, İtaliya, Şri-Lanka, Koreya, Moldova, Avstriya, İspaniya və Hindistandan məhsul idxalı həyata keçirilib. Həmçinin, ölkəmizdə ilk dəfə olaraq Koreyadan “Bubble tea”, Türkiyədən “Maltana” içkiləri idxal edilərək “Araz” müştərilərinə təqdim olunub.
