“Araz” supermarketlər şəbəkəsində həyata keçirilən “Bilik körpüsü” layihəsinin əsas məqsədi Araz Akademiyasının təlim standartlarını regionlara daşımaq, mağazalarda vahid iş prinsiplərinin tətbiqini təmin etmək və əməkdaşların peşəkar inkişafını dəstəkləməkdir. Layihə vasitəsilə əməkdaşların bilik və bacarıqlarının artırılması, şirkət dəyərlərinin mənimsənilməsi və vahid korporativ mədəniyyətin formalaşdırılması hədəflənir.
Əməkdaşların inkişaf ehtiyaclarına uyğun keçirilən təlimlərdən əldə olunan biliklərin gündəlik iş proseslərində tətbiqinin təşviqi nəzərdə tutulur. Bu yanaşma regionlardakı mağazalarda fəaliyyət keyfiyyətinin yüksəldilməsinə və əməkdaşların şirkətə bağlılığının gücləndirilməsinə xidmət edir.
Eyni zamanda, layihə şirkətdaxili karyera yüksəlişi imkanlarının sistemləşdirilməsinə və regional əməkdaşların peşəkar inkişafının dəstəklənməsinə töhfə verir.
