“Araz” supermarketlər şəbəkəsində həyata keçirilən “Dostunu gətir, 50 AZN qazan” layihəsi əməkdaşların tövsiyələri əsasında komandaya yeni və potensiallı namizədlərin cəlb olunmasını təşviq etmək məqsədi daşıyır. Layihə şirkət daxilində əməkdaşlıq mühitini və komanda ruhunu daha da gücləndirmək, eyni zamanda əməkdaşların şirkətin inkişaf prosesində aktiv iştirakını təşviq edir. Bu təşəbbüs sayəsində “Araz” əməkdaşları həm yaxınlarının işlə təmin olunmasına dəstək göstərir, həm də şirkətin peşəkar komandasının genişlənməsinə töhfə verirlər. “Dostunu gətir, 50 AZN qazan” layihəsi çərçivəsində şirkətə ən çox namizəd cəlb edən əməkdaşlar təşəkkürnamə və pul mükafatı ilə təltif olunur. Qeyd edək ki, bu cür təşəbbüslər “Araz” supermarketlər şəbəkəsinin peşəkar komandasının böyüməsinə, əməkdaşlıq mühitinin güclənməsinə və yeni uğurların qazanılmasına töhfə verir.
