“Karyerada İlk Addım” layihəsi əməkdaşlarımızın peşəkar bacarıqlarını inkişaf etdirmək və gələcək karyera imkanlarını genişləndirmək üçün nəzərdə tutulmuşdur. Layihənin əsas məqsədi iştirakçıların real iş mühitində bilik və təcrübə qazanmasını təmin etmək, onları müxtəlif sahələrdə yeni bacarıqlarla təmin etmək və karyera yolunda uğurlu addımlar atmalarına dəstək olmaqdır.
Proqram çərçivəsində iştirakçılar şirkətin müxtəlif departamentlərində fəaliyyət göstərərək iş proseslərini yaxından öyrənir, yeni vəzifələrə hazırlıq üçün lazımi bacarıqları inkişaf etdirir və professional biliklərini zənginləşdirirlər. Bu yanaşma həm iştirakçıların özünüinkişafına, həm də şirkətin daxili resurslarının daha səmərəli istifadəsinə xidmət edir.
Əlavə olaraq, layihə çərçivəsində fəaliyyət göstərən təcrübəçilərin bir çoxu təcrübə sonunda şirkətimizdə işə qəbul edilmişdir, bu da proqramın real nəticələrini və uğurunu nümayiş etdirir. “Karyerada İlk Addım” layihəsi ilə biz əməkdaşlarımızın inkişafını dəstəkləyir, onları gələcəkdə daha böyük vəzifələrə hazırlayır və şirkətimizin peşəkar komandasını gücləndiririk.
