Yanvar ayı üzrə “Rol model” layihəsinin qalibi mükafatlandırılıb. “Tarqovaya”- 2 mağazasının uğurlarında xüsusi payı olan və işgüzarlığı ilə seçilən Kamal Yavuz Yılmaz oğlu “Rol model” (“Nümunəvi işçi”) layihəsi çərçivəsində filial üzrə keçirilən səsvermənin qalibi olub.
Peşəkarlığı, müştəriyönümlü xidməti və komandadakı müsbət rolu ilə fərqlənən əməkdaşımız rəhbərlik tərəfindən sertifikat və mobil telefonla mükafatlandırılıb.
Qeyd edək ki, “Rol model” layihəsinin məqsədi filiallarımızda nümunəvi əməkdaşların əməyini dəyərləndirmək, onların motivasiyasını artırmaq və komanda ruhunu gücləndirməkdir. Layihə çərçivəsində yerində keçirilən səsvermənin nəticələrinə əsasən qaliblər mütəmadi olaraq rəhbərlik tərəfindən təltif olunurlar.
