“Batareyaları təhvil ver, təbiəti qoru” layihəsi çərçivəsində “Araz” supermarketlərdən 70 kq-a yaxın batareya toplanıb.
Ekologiya və Təbii Sərvətlər Nazirliyi, Qırmızı Ürəklər Fondu və “Araz” supermarketlər tərəfindən tərəfindən həyata keçirilən “Batareyaları təhvil ver, təbiəti qoru” layihəsi çərçivəsində istifadəyə yararsız batareyaların toplanması və təhvil verilməsi prosesi davam edir.
Layihə çərçivəsində könüllülər yanvar və fevral aylarında “Araz” supermarketlər şəbəkəsinin Azure, Əhmədli-6, Space və Qutqaşınlı-1 filiallarından ümumilikdə 70 kq-a yaxın işlənmiş batareya toplayaraq “Tullantıları İdarəetmə Mərkəzi” MMC-yə təhvil veriblər.
Layihə istifadəyə yararsız elektrik batareyalarının ətraf mühitə zərər vermədən toplanması və təhlükəsiz utilizasiyasını təşkil etməklə yanaşı, ictimaiyyət arasında ekoloji məsuliyyətin artırılması və tullantıların düzgün idarə olunması sahəsində maarifləndirmənin gücləndirilməsidir.
