“Araz” supermarketlər şəbəkəsinin 15 illik yubileyinə həsr olunmuş tədbirlər çərçivəsində 23 aprel – Dünya Kitab və Müəllif Hüquqları Günü, eyni zamanda Azərbaycanda qeyd olunan Kitab Günü münasibətilə baş ofisdə Xalq yazıçısı Çingiz Abdullayev ilə görüş və imza günü təşkil olunub. Tədbir “Bir kitab, min dünya” layihəsi çərçivəsində baş tutub.
Görüş zamanı tanınmış yazıçı şirkətin rəhbər heyəti və əməkdaşlarla bir araya gələrək maraqlı fikir mübadiləsi aparıb, ədəbiyyat, yaradıcılıq prosesi və müasir oxu vərdişləri ilə bağlı fikirlərini bölüşüb. Çingiz Abdullayev tədbir iştirakçıları tərəfindən ünvanlanan sualları da ətraflı cavablandırıb.
Sonda Xalq yazıçısının kitablarının imzalanması mərasimi keçirilib və iştirakçılar müəlliflə birbaşa ünsiyyət qurmaq imkanı əldə ediblər.
Qeyd edək ki, “Bir kitab, min dünya” layihəsi oxu mədəniyyətinin təşviqi, əməkdaşlar arasında mütaliə vərdişlərinin gücləndirilməsi və ədəbiyyata marağın artırılması məqsədilə həyata keçirilir.
