“Araz” supermarketlər şəbəkəsinin 15 illik yubileyi münasibətilə həyata keçirilən layihələr çərçivəsində 23 aprel – Dünya Kitab və Müəllif Hüquqları Günü münasibətilə baş ofisdə “Bir kitab, min dünya” adlı kitab sərgi-satışı təşkil olunub. Tədbir “3 alma” və “TEAS Press” nəşriyyat evlərinin dəstəyi ilə baş tutub.
Sərgi-satış çərçivəsində əməkdaşlara müxtəlif janrlarda kitablar təqdim olunub. Təqdim edilən kitablar arasında şəxsi inkişaf və biznes mövzulu nəşrlər, bestsellerlər, klassik və müasir Azərbaycan, eləcə də dünya ədəbiyyatı nümunələri yer alıb.
Layihənin əsas məqsədi əməkdaşların asudə vaxtının daha səmərəli təşkili, kitab oxuma vərdişlərinin təşviqi və ümumilikdə oxu mədəniyyətinin inkişafına töhfə vermək olub.
“Araz” supermarketlər şəbəkəsi gələcəkdə də əməkdaşların inkişafına yönəlmiş sosial və maarifləndirici layihələrin həyata keçirilməsini davam etdirməyi planlaşdırır.
