“Araz” supermarketlər şəbəkəsinin “Araz”da Tələbə Günü” layihəsi davam edir. Bu dəfə layihə çərçivəsində Azərbaycan Dövlət İqtisad Universitetinin (UNEC) “Biznes və menecment” fakültəsinin “Beynəlxalq ticarət və logistika” ixtisası üzrə təhsil alan tələbələri “Araz” Logistika Mərkəzində ekskursiya və infosessiyada iştirak ediblər.
Tələbələr mərkəzin ərazisi, anbarlar, qida və qeyri-qida məhsullarının saxlanma sahələri, eləcə də əməkdaşlar üçün yaradılan şəraitlə tanış olublar. Ekskursiya zamanı tələbələrə anbarın fəaliyyəti, logistika proseslərinin təşkili barədə ətraflı məlumat verib.
Ekskursiyanın sonunda “Araz” Logistika Mərkəzinin direktoru Anar Adilzadə tələbələrin suallarını cavablandırıb onlarla fikir mübadiləsi aparıb.
İnfosessiyanın keçirilməsində məqsəd tələbələri “Araz” supermarketlər şəbəkəsi və ona məxsus logistika infrastrukturu ilə yaxından tanış etmək, şirkət əməkdaşlarının karyera inkişafı, məhsuldar fəaliyyət üçün yaradılan imkanlar barədə məlumat vermək, həmçinin tələbələrin real iş mühitinə adaptasiyasına dəstək olmaqdır.
Qeyd edək ki, ölkənin ən böyük pərakəndə ticarət şirkətlərindən biri olan “Araz” supermarketlər şəbəkəsi həm gənclər, həm də peşəkar mütəxəssislər üçün geniş karyera imkanları yaradır. Şirkət 400-ə yaxın mağaza və 14 mindən artıq əməkdaşı ilə ölkə əhalisinin məşğulluğuna öz töhfəsini verir.
