“Araz” supermarketlər şəbəkəsində əməkdaşların əməyinin dəyərləndirilməsi və nümunəvi fəaliyyətlərinin təşviq edilməsi məqsədilə həyata keçirilən “Rol model” layihəsi davam edir. Layihə çərçivəsində avqust və sentyabr ayları üzrə Ayın Ulduzlu “Araz”ı Polad Həşimov Ekspres mağazası seçilib.
Mağazanın uğurlarına töhfə verən və işgüzarlıqları ilə seçilən əməkdaşlarımız Həcər Məmmədova və Rüxsarə Əliyeva layihə çərçivəsində keçirilən səsvermənin qalibləri olublar. Peşəkarlıqları, müştəriyönümlü xidmətləri və komandadakı müsbət rolları ilə fərqlənən əməkdaşlarımız rəhbərlik tərəfindən sertifikat və mobil telefonla mükafatlandırılıblar.
Təltif olunan əməkdaşlarımızı tanıyaq:
Həcər Məmmədova Ramil qızı – kassir. 1 aprel 2026-cı il tarixindən şirkətimizdə çalışır.
Rüxsarə Əliyeva Ağakişi qızı – xadimə. 11 mart 2025-ci il tarixindən şirkətimizdə çalışır.
Qeyd edək ki, “Rol model” layihəsinin əsas məqsədi filiallarımızda nümunəvi fəaliyyəti ilə seçilən əməkdaşların əməyini dəyərləndirmək, onların motivasiyasını artırmaq və komandada birlik ruhunu gücləndirməkdir. Layihə çərçivəsində keçirilən səsvermənin nəticələrinə əsasən qaliblər mütəmadi olaraq rəhbərlik tərəfindən mükafatlandırılırlar.
Əməkdaşlarımızı qazandıqları uğur münasibətilə təbrik edir, gələcək fəaliyyətlərində yeni nailiyyətlər arzulayırıq!
