
Əməkdaşımız, Vergi Uçotu üzrə aparıcı mühasib Ramilə Məmmədova topdan satış əməliyyatları üzrə elektron qaimələrin hazırlanması prosesinin avtomatlaşdırılması və optimallaşdırılması təşəbbüsünə görə “Gümüş İş” mükafatına layiq görülmüşdür.
Onun təşəbbüsü ilə, xüsusilə françayzinq mağazaları üzrə əməliyyatları əhatə edən elektron qaimələrin vergi sistemi üzərindən toplu şəkildə robot vasitəsilə icrası təmin edilmişdir. Əvvəllər bir neçə əməkdaşın minimum bir iş gününü sərf etdiyi bu proses artıq 2–3 saat ərzində tamamlanır.
Tətbiq olunan yenilik vaxta qənaət etməklə yanaşı, mümkün fərq və uyğunsuzluqların daha operativ aşkarlanmasına, ödəniş və üzləşmə proseslərinin sürətlənməsinə şərait yaradır. Eyni zamanda, əməkdaşların gündəlik iş yükünü azaldaraq digər funksional və inkişafyönümlü fəaliyyətlərə daha çox vaxt ayırmasına imkan verir.