İyul ayı üzrə “Rol model” (“Nümunəvi işçi”) layihəsinin qalibi Cəbrayıl Minimarket filialımızın əməkdaşı Rəqsanə Fərzəliyeva seçilib.
Əməkdaşımızı siz də tanıyın:
Rəqsanə Fərzəliyeva Rantik qızı (Satıcı-Bişirici) – 27.11.2025-ci il tarixindən şirkətimizdə çalışır. İşgüzarlığı və mağazanın uğurlarındakı xüsusi payı ilə seçilən Rəqsanə xanım filial üzrə keçirilən səsvermənin qalibi olub. Peşəkarlığı, müştəriyönümlü xidməti və komandadakı müsbət rolu ilə fərqlənən əməkdaşımız rəhbərlik tərəfindən sertifikat və mobil telefonla mükafatlandırılıb.
Qeyd edək ki, “Rol model” layihəsinin məqsədi filiallarımızda nümunəvi əməkdaşların əməyini dəyərləndirmək, onların motivasiyasını artırmaq və komanda ruhunu gücləndirməkdir. Layihə çərçivəsində keçirilən səsvermənin nəticələrinə əsasən qaliblər mütəmadi olaraq rəhbərlik tərəfindən təltif olunurlar.
