“Araz” supermarketlər şəbəkəsi olaraq qida təhlükəsizliyi və keyfiyyət standartlarının gücləndirilməsi istiqamətində yeni təşəbbüsə start verdik. Belə ki, 2025 ilin yekunlarına əsasən “Keyfiyyət lideri” və “Keyfiyyət dəstəkləyiciləri” nominasiyaları üzrə TOP 10 “Araz” mağazasını müəyyən etdik.
Qiymətləndirmə bir sıra mühüm meyarlar üzrə aparılıb:
• Qida təhlükəsizliyi və keyfiyyət auditi nəticələri
• Müştəri şikayətləri və onların idarə olunması
• Dövlət nəzarət yoxlamaları və onların nəticələri
• Müştəri məmnuniyyəti göstəriciləri
• Qida təhlükəsizliyi standartlarına riayət olunması
Bu göstəricilər əsasında ən yüksək nəticə göstərən mağaza “Keyfiyyət lideri” seçilib. Eyni zamanda, yüksək performans nümayiş etdirən daha 9 mağazamız “Keyfiyyət dəstəkləyicisi” kimi müəyyən edilərək ümumilikdə ilin TOP 10 mağazası siyahısı formalaşdırılıb. Qaliblər sertifikat, pul mükafatı, döş nişanı və xüsusi plaketlə təltif olunublar.
Qeyd edək ki, təşəbbüsün əsas məqsədi mağazalar arasında sağlam rəqabəti təşviq etmək, qida təhlükəsizliyi mədəniyyətini gücləndirmək və müştərilərə təqdim olunan xidmət keyfiyyətini daha da yüksəltməkdir.
