“Araz” supermarketlər şəbəkəsi, Ekologiya və Təbii Sərvətlər Nazirliyi və Qırmızı Ürəklər Fondu tərəfindən həyata keçirilən “Batareyaları təhvil ver, təbiəti qoru” layihəsi uğurla davam etdirilir. Layihəsi çərçivəsində növbəti dəfə işlənmiş batareyalar toplanaraq təhvil verilib. May ayında “Araz” supermarketlər şəbəkəsinin Azadlıq - 3 supermarket filialından 15 kq, 20 yanvar superstore filialından 9.5 kq, Sumqayıt 3 superstore filialından 34 kq işlənmiş batareyalar toplanaraq “Tullantıları İdarəetmə Mərkəzi” MMC-yə təhvil verilib. Ekokönüllülər tərəfindən ümumilikdə 58.5 kq işlənmiş batareya toplanıb. Layihə istifadəyə yararsız elektrik batareyalarının ətraf mühitə zərər vermədən toplanması və təhlükəsiz utilizasiyasını təşkil etməklə yanaşı, ictimaiyyət arasında ekoloji məsuliyyətin artırılması və tullantıların düzgün idarə olunması sahəsində maarifləndirmənin gücləndirilməsini hədəfləyir.
