Dəyərli izləyicilərimiz, tədbirin məqsədi əhalinin tullantıların düzgün idarə olunması ilə bağlı məlumatlandırılması, çeşidləmə vərdişlərinin təşviqi və ekoloji məsuliyyətli davranışın formalaşdırılması olub. Festival Ekologiya və Təbii Sərvətlər Nazirliyinin təşkilatçılığı, Nizami Rayon İcra Hakimiyyəti və “Araz” supermarketlər şəbəkəsinin dəstəyi ilə Bakı şəhəri, Nizami rayonu, Tofiq Abbasov küçəsi 5 ünvanında baş tutub.
Tədbir çərçivəsində iştirakçılar ümumi həcmi 6585 litr olan plastik butulka, 562 litr şüşə tullantı və 1026 ədəd işlənmiş batareya təhvil verib.
Qeyd edək ki, 2025-ci il ərzində vətəndaşlar tərəfindən ümumi tutumu 5705 litr olan şüşə, 38100 litr olan plastik tullantı və 7295 ədəd işlənmiş batareya təhvil alınıb. Əvəzində onlara “Araz” ekoçantaları, “Tac” və “Bloom” məhsulları və müxtəlif hədiyyələr təqdim edilib.
