Dəyərli izləyicilərimiz, “Təbiəti qorumaq mənim əlimdədir” layihəsi çərçivəsində növbəti dəfə “Arazın sahilində” təmizlik aksiyası keçirdik. Şirkətimizin15 illiyinə həsr olunmuş aksiyada əməkdaşlar növbəti dəfə Araz çayının Saatlı ərazisindən keçən hissəsini tullantılardan təmizlədilər. Araz çayı sahilindən 300 kq-a yaxın tullantı toplanaraq xüsusi nəqliyyat vasitəsi ilə Saatlı tullantı poliqonuna daşındı.
Aksiya Ekologiya və Təbii Sərvətlər Nazirliyi və Saatlı rayon İcra Hakimiyyətinin dəstəyi ilə həyata keçirilib.
Aksiyanın keçirilməsində məqsəd ictimaiyyətin diqqətini təbiətin mühafizəsi, yaşıllıqların bərpası və artırılmasına yönəltmək, bölgələrdə ekologiya və təbiətin mühafizəsi, ətraf mühitin qorunması, insanları ətraf mühitə daha həssas və məsuliyyətli yanaşmağa təşviq etmək, tullantıların azaldılması və düzgün idarə edilməsinə nail olmaqdır.
