2 aprel – Dünya Autizm Məlumatlandırma Günü münasibətilə əməkdaşlarımız autizmli uşaqlarla bir araya gələrək onlar üçün xoş və mənalı vaxt keçiriblər.
“Araz” supermarketlər şəbəkəsi tərəfindən “Birgə və Sağlam” İctimai Birliyinin dəstəyi ilə “Bakı Golden Horse Terapevtik və Tədris Mərkəzi”ndə autizmli uşaqlar üçün hipoterapiya təşkil olunub. Uşaqlar atlarla ünsiyyət quraraq həm emosional, həm də fiziki inkişaflarını dəstəkləyən bu terapiya növündə iştirak ediblər. Tədbir çərçivəsində onlar məşhur Qarabağ atları ilə tanış olub, təlimçilərin və əməkdaşların müşayiəti ilə atların tərkində gəzintiyə qatılıblar.
Təşəbbüsün əsas məqsədi uşaqların sosial bacarıqlarının inkişafına dəstək olmaq, onların özünə inamını artırmaq və cəmiyyətə inteqrasiyasını təşviq etməkdir.
Tədbir “Araz Fərqindəlik Yaradır” korporativ sosial məsuliyyət layihəsi çərçivəsində həyata keçirilib. Layihə autizm haqqında məlumatlılığın artırılmasına, fərqliliklərin qəbulunun təşviqinə və inklüziv mühitin formalaşdırılmasına töhfə verməyi hədəfləyir.
