“Araz” supermarketlər şəbəkəsi Azərbaycan HR İnstitutunun təşkilatçılığı ilə keçirilən “World HR Summit 2026” çərçivəsində nüfuzlu “World HR Excellence Award” mükafatına layiq görülüb. “Araz” bu mükafata “Best Talent Management Strategy” nominasiyası üzrə qalib seçilərək insan kapitalının inkişafı sahəsindəki qabaqcıl yanaşmasını bir daha təsdiqləyib. Təqdim olunan mükafat şirkətdə insan kapitalının inkişafına, istedadların effektiv idarə olunmasına, əməkdaşların peşəkar inkişafının dəstəklənməsinə və güclü korporativ mühitin formalaşdırılmasına verilən önəmin göstəricisi kimi qiymətləndirilir.
Qlobal HR liderlərinin bir araya gəldiyi bu mötəbər tədbirdə əldə olunan qələbə, şirkətimizdə tətbiq olunan innovativ həllərin və güclü korporativ mühitin beynəlxalq ekspertlər tərəfindən yüksək qiymətləndirilməsinin göstəricisidir. Bizimlə bərabər inkişaf edən hər bir əməkdaşımıza təşəkkür edirik!
