Festival çərçivəsində ümumi tutumu 8985 litr olan plastik və 1890 litr olan şüşə tullantı təkrar emala, 2620 ədəd işlənmiş batareya isə utilizasiyaya yönləndirilib.
“Konstitusiya və Suverenlik İli” çərçivəsində təşkil olunan tədbir Ekologiya və Təbii Sərvətlər Nazirliyinin təşkilatçılığı, Nizami Rayon İcra Hakimiyyəti, “Araz” supermarketlər şəbəkəsi və “EcoHub” İctimai Birliyinin dəstəyi ilə baş tutub.
Festivalın əsas məqsədi tullantıların qarşısının alınması, resurslardan daha səmərəli istifadə və təkrar emala ictimai dəstəyi artırmaqdır. Tədbir zamanı vətəndaşlar topladıqları tullantıları təhvil verərək “Araz” ekoçantaları, həmçinin Bloom məhsulları və başqa hədiyyələr əldə ediblər.
Cari ildə artıq 5-ci dəfə keçirilən festival sakinlərin böyük marağına səbəb olub. Uşaqlar üçün əyləncəli master-klasslar təşkil edilib, iştirakçılar tullantıların çeşidlənməsi üzrə praktiki biliklər qazanıblar.
📌 2025-ci il ərzində keçirilən festivallar zamanı ümumilikdə 28 105 litr plastik butulka, 4458 litr şüşə butulka və 4788 ədəd işlənmiş batareya təhvil götürülüb.
