Əməkdaşlarına və onların ailələrinə dəstək göstərməyə xüsusi önəm verən “Araz” supermarketlər şəbəkəsi yeni tədris ilinin başlanması münasibətilə görüş təşkil edib. Görüşdə şirkət əməkdaşlarının bu il birinci sinfə qədəm qoyan övladları iştirak ediblər.
Tədbir çərçivəsində “Araz” supermarketlər şəbəkəsinin İdarə Heyətinin sədri Rəşad İbrahimov uşaqlarla görüşərək onları məktəb həyatına başlamaları münasibətilə təbrik edib və yeni tədris ilində uğurlar arzulayıb.
Görüş zamanı birinci sinfə başlayan uşaqlara şirkət adından məktəb ləvazimatları ilə dolu çantalar hədiyyə olunub. Bu təşəbbüslə “Araz” həm uşaqların məktəb sevincinə şərik olub, həm də yeni tədris ilinə hazırlıqda əməkdaşlarına dəstək göstərib.
