araz-supermarket
icon

icon

“Araz”ın “Gələcəyini qur!” layihəsi çərçivəsində tələbələrlə görüş keçirilib

arazin-geleceyini-qur-layihesi-cercivesinde-telebelerle-gorus-kecirilib-724

Veysəloğlu Şirkətlər Qrupunad axil olan “Araz” supermarketlər şəbəkəsinin gənclərin təhsilinə dəstək məqsədilə həyata keçirdiyi “Gələcəyini qur!” layihəsi çərçivəsində ali təhsil müəssisələrinə qəbul olmuş gənclərlə görüş keçirilib.

Görüşdə “Araz” supermarketlər şəbəkəsinin İdarə Heyətinin sədri Rəşad İbrahimov, İdarə Heyətinin üzvləri və şirkətin digər rəhbər şəxsləri iştirak ediblər.

Görüş zamanı “Gələcəyini qur!” layihəsinin nəticələri və gənclərə göstərilən dəstək barədə məlumat verilib. İdarə Heyətinin sədri Rəşad İbrahimov tələbələrlə yaxından tanış olub, onlarla fikir mübadiləsi aparılıb, onların təhsil istiqamətləri, gələcək planları və karyera hədəfləri dinlənilib.

Korporativ sosial məsuliyyət fəaliyyəti çərçivəsində həyata keçirilən “Gələcəyini qur!” layihəsi “Araz” əməkdaşlarının 10-cu və 11-ci siniflərdə təhsil alan övladlarına, bacı və qardaşlarına ali təhsilə hazırlıq mərhələsində dəstək göstərmək məqsədi daşıyır. Layihə əsasən aztəminatlı əməkdaşların ailə üzvlərinin təhsil imkanlarının genişləndirilməsinə töhfə verir.

“Araz” supermarketlər şəbəkəsi bundan sonra da gənclərin təhsil və inkişaf imkanlarının genişləndirilməsinə, onların gələcək karyera yolunda dəstəklənməsinə yönəlmiş sosial layihələri davam etdirməyi hədəfləyir.

“araz”ın “gələcəyini qur!” layihəsi çərçivəsində tələbələrlə görüş keçirilib | Araz Supermarket