“Araz” supermarketlər şəbəkəsi heyvanların müdafiəsi, sahibsiz heyvanlara qayğı göstərilməsi istiqamətində müxtəlif sosial məsuliyyət layihələri həyata keçirərməyə davam edir.
Bu istiqamətdə həyata keçirilən təşəbbüslərin davamı olaraq Ümumdünya Sahibsiz Heyvanlar Günü münasibətilə “Doğma bir dost” layihəsinə start verilib. Layihə çərçivəsində əməkdaşların iştirakı ilə heyvan sığınacağına ziyarət təşkil olunub. Ziyarət zamanı əməkdaşlar sığınacaqda yaşayan heyvanlarla vaxt keçirib, “Araz Zooshop” mağazalarından əldə edilən qida və müxtəlif ləvazimatları sığınacağa təqdim edərək heyvanların ehtiyaclarının qarşılanmasına dəstək göstəriblər.
Təşəbbüsün əsas məqsədi sahibsiz heyvanlara diqqət və qayğının artırılmasına töhfə vermək, onların ehtiyaclarına dəstək olmaq və bu istiqamətdə sosial məsuliyyət mədəniyyətini təşviq etməkdir.
