“Araz” supermarketlər şəbəkəsinin Neftçilər və Günəşli Superstore mağazalarında 18 sentyabr Milli Musiqi Günü münasibətilə milli musiqilərimiz səsləndirilib. Əməkdaşların və müştərilərin bir araya gəldiyi bu təşəbbüs mağazalarda bayram ab-havası yaradıb.
Milli musiqimizin təbliği və mədəni irsimizin tanıdılması məqsədilə həyata keçirilən tədbir alış-verişə gələn müştərilərə xoş anlar yaşadıb. Doğma melodiyalar müxtəlif nəsillərin nümayəndələrini ortaq mədəni dəyərlər ətrafında birləşdirərək günə xüsusi rəng qatıb.
Milli Musiqi Gününə həsr olunan bu təşəbbüs “Araz”ın milli-mənəvi dəyərlərimizə verdiyi önəmi və musiqinin insanları bir araya gətirən gücünü nümayiş etdirib. Eyni zamanda, milli musiqimizin geniş auditoriyaya çatdırılmasına töhfə verib.
