“Batareyaları təhvil ver, təbiəti qoru” layihəsi çərçivəsində növbəti dəfə işlənmiş batareyalar toplanaraq təhvil verilib.
Ekologiya və Təbii Sərvətlər Nazirliyi və Qırmızı Ürəklər Fondu tərəfindən həyata keçirilən “Batareyaları təhvil ver, təbiəti qoru” layihəsi uğurla davam etdirilir. Bu dəfə “Araz” supermarketlər şəbəkəsinin Baş ofisindən işlənmiş batareyalar toplanaraq “Tullantıları İdarəetmə Mərkəzi” MMC-yə təhvil verilib. Layihə çərçivəsində ekokönüllülər şirkətin baş ofisindən ümumilikdə 88 kq işlənmiş batareya toplanıb.
Layihə istifadəyə yararsız elektrik batareyalarının ətraf mühitə zərər vermədən toplanması və təhlükəsiz utilizasiyasını təşkil etməklə yanaşı, ictimaiyyət arasında ekoloji məsuliyyətin artırılması və tullantıların düzgün idarə olunması sahəsində maarifləndirmənin gücləndirilməsini hədəfləyir.
