“Araz” supermarketlər şəbəkəsi, Ekologiya və Təbii Sərvətlər Nazirliyi və Qırmızı Ürəklər Fondu tərəfindən həyata keçirilən “Batareyaları təhvil ver, təbiəti qoru” layihəsi çərçivəsində növbəti batareya toplama aksiyası uğurla başa çatıb.
Layihə çərçivəsində iyun və iyul aylarında ekokönüllülər “Araz” supermarketlər şəbəkəsinin “Araz” Rəsulzadə Superstore filialından 20 kq, “Araz” Yasamal Superstore filialından 15 kq, “Araz” Qutqaşınlı Superstore filialından isə 13 kq olmaqla, ümumilikdə 48 kq işlənmiş batareya toplayaraq “Tullantıları İdarəetmə Mərkəzi” MMC-yə təhvil veriblər.
Hazırda “Araz” supermarketlər şəbəkəsinin 29 filialında işlənmiş batareyaların təhvil verilməsi üçün xüsusi toplama qutuları yerləşdirilib.
İşlənmiş batareyaların düzgün toplanması və təhlükəsiz utilizasiyası ətraf mühitin qorunmasında, torpaq və su ehtiyatlarının çirklənməsinin qarşısının alınmasında mühüm rol oynayır.
Bu layihənin uğurla həyata keçirilməsinə dəstək göstərən bütün tərəfdaşlarımıza, eləcə də təşəbbüsə qoşularaq ekoloji məsuliyyət nümayiş etdirən vətəndaşlarımıza təşəkkürümüzü bildiririk.
