StoresBecome a partner

Yayın sevimliləri: Giləmeyvələr

Yayın sevimliləri: Giləmeyvələr

 

Yayı həyəcanla gözləməyin səbəbi sadəcə dəniz, qum, günəş və istirahət deyil, həm də giləmeyvələrdir! Canlı rənglərə sahib olan giləmeyvələr həm damaq zövqümüzə, həm də göz zövqümüzə xitab edirlər. Bəs bu qədər sevərək yediyimiz giləmeyvələrin faydalarını bilirikmi? Bu bloqda onların faydalarından bəhs edəcəyik.

 

  1. Çiyələk

Şipşirin ləzzəti ilə bir çoxumuzun əvəzedilməz giləmeyvəsi olan çiyələyi gündə bir porsiya qəbul etdikdə sadəcə bədənimizi yox, həm də ruhumuzu qidalandıracağıq. Çünki çiyələk sakitləşdirici və stresi yox edən xüsusiyyətə sahibdir. Çiyələk yeyərkən endorfin yüksəlir və eynilə şokoladda olduğu kimi özümüzü xoşbəxt hiss edirik, beləliklə, stresimiz də azalır.

Bundan əlavə, çiyələk qanı təmizləyir, həzm sistemini yaxşılaşdırır, metabolizmi sürətləndirir,  qaraciyər üçün faydalıdır, ən əsası isə diş ətini güclənirir və ağızda pis qoxu yaranmasının qarşısını alır.

  1. Moruq

Kəmşirin dadı ilə könlümüzü fəth edən moruq sözün əsl mənasında təbii dərmandır. Keçmişdən elə bu günə qədər böyüklərin soyuqdəymə üçün çaya moruq mürəbbəsi qatmaq ənənəsi heç təsadüfi deyil. Bol vitamin və mineral tərkibli moruq həm də çox güclü antioksidantdır. Moruq təbii ağrıkəsicidir. Bədənin müxtəlif nahiyələrində olan ağrılar zamanı təbii halda qəbul etmək və ya yarpaqlarından və özündən çay dəmləmək sizə yaxşı təsir edəcəkdir. Bundan əlavə moruq xərçəngin qarşısını alır, yaddaşı gücləndirir, yüksək təzyiqi aşağı salır. Hazırda tam da moruğun ayıdır. Sizə yaxın marketimizə gələrək dadlı moruqları əldə edə bilərsiniz.

  1. Qarağat

Ölkəmizdə qarağat daha çox iki cür olur: qara və qırmızı qarağat. Qara qarağat bizim süfrələrimizdə daha doğma ləzzətdir. O qədər dadlıdır ki, daha çox ondan mürəbbə hazırlayıb səhər yeməyində çörək və yağın üzərinə əlavə edərək nuş edirlər. Qara qarağat may ayından etibarən çiçək açmağa başlayır, lakin meyvəsi iyul-avqust aylarında bar verir. Kəmşirin və özünəməxsus dadı var. Həmçinin o, tərkibindəki lif sayəsində həzmi yaxşılaşdırır, bağırsaqları işə salır və qəbizliyin qarşısını alır. Bundan əlavə, soyuqdəymə zamanı qızdırmanı aşağı salmağa kömək edir.

Qırmızı qarağat daha turş bir dada malikdir. Tərkibində bol C vitamini var və o, çox güclü antioksidantdır. Ondan daha çox yay üçün xüsusi kokteyllər və fərahladıcı limonadlar hazırlamaq olar. Bundan əlavə, qırmızı qarağatın yüksək turşuluq tərkibi onu dəri üçün əla qulluq tərkib hissəsi edir.

  1. Qarpız

Bir çoxları üçün bu təəccübləndirici hal olsa da, bəli, qarpız bostanda yetişən giləmeyvədir. Ümumiyyətlə, biz xalq olaraq qarpızı çox sevirik. Dənizə gedərkən, bağda olarkən rasiona qarpız, pendir, çörək üçlüyünü mütləq əlavə edir, ondan mürəbbə və turşu hazırlayırıq.

Hər şeydən öncə bunu qeyd etməliyik ki, qarpız maye itkisinin qarşısını alır. Beynəlxalq araşdırma qarpızın 92 faiz sudan ibarət olduğunu və bunun həm bədən istiliyinin, həm də təzyiqin aşağı salınmasında təsirli olduğunu ortaya çıxarıb. Bundan əlavə qarpız dərimizi gözəlləşdirir, xərçəngin qarşısını alır, metabolizmi sürətləndirir. Lakin onun bu xüsusiyyətlərindən faydalanmaq üçün qarpızı gündəlik rasiona mütləq əlavə etməlisiniz. Odur ki, hər gün təzə və şipşirin qarpız almaq üçün sizə yaxın “Araz” supermarketə üz tuta bilərsiniz.

 

 

 

 

Share
Partnyor ol