13.05.2019

Belaruslu iş adamları “Araz” Supermarketlər Şəbəkəsinin qonağı olublar

Bu gün “Araz” Supermarketlər Şəbəkəsinin əməkdaşlıq etdiyi Belarus fabriklərinin nümayəndələri və istehsalçılar filiallarımızı ziyarət ediblər.

Qonaqlar  “Araz” Supermarketlər Şəbəkəsinə daxil olan mağazaları gəzərək, marketlərimizdə satılan Belarus məhsullarının saxlanma şəraiti, rəf düzülüşü ilə yaxından tanış olublar, həmçinin yerli istehsal məhsulları ilə ətraflı tanışlıq imkanı əldə ediblər. Ölkənin ən iri şəbəkəsi ilə gələcəkdə əməkdaşlıq perspektivləri müzakirə olunub.

Qeyd edək ki, “Araz” Supermarketlər Şəbəkəsinin bütün filiallarında Belarus istehsalı təbii süd və süd məhsulları münasib qiymətə təklif olunur. Gələcəkdə pərakəndə bazarın liderlərindən olan “Araz” Supermarketlər Şəbəkəsi keyfiyyətli kənd təsərrüfatı məhsulları istehsalı ilə tanınan Belarus şirkətləriylə ikitərəfli əməkdaşlığı daha da genişləndirərək, müştərilərə yeni məhsullar təqdim etməyi nəzərdə tutur.

Bölüşmək
Partnyor ol