Sağlam tərkiblə pizza

Sağlam tərkiblə pizza

Bu gün Beynəlxalq Pizza Günüdür. Sizə evdə rahat şəkildə hazırlaya biləcəyiniz unsuz, sağlam tərkibli pizza reseptini təqdim edirik.

İnqrediyentlər:

- 2 yumurta;
- 3 yemək qaşığı duzsuz, yumşaq pendir (süzmə pendir);
- 1/2 stəkan rəndələnmiş çeddar pendiri;
- 1 diş sarımsaq;
- pizza sousu;
- dil pendiri;
- yaşıl noxud;
- ispanaq;
- küp qiymə;
- istədiyiniz ədviyyatlar.

Hazırlanması:

Yumurtaları və yumşaq duzsuz pendiri yaxşıca qarışdırın, çeddar pendiri və sarımsağı üzərinə əlavə edin. Bu qarışımı yağlanmış yumru bir tavaya tökün. Sobada 170 dərəcədə üstü qızılı olanadək bişirin. Soyuması üçün 15 dəqiqə saxlayın. Daha sonra üzərinə pizza sousunu yayın. Üzərini istədiyiniz inqrediyentlərlə bəzəyə bilərsiniz. Biz ispanaq, yaşıl noxud və küp qiymə təklif edirik. Dil pendirini də əlavə etdikdən sonra təkrar sobaya qoyun. Üzərindəki pendir yaxşıca qızaranadək bişirin. Daha sonra dilimləyib servis edə bilərsiniz.

 

Nuş olsun!

Bölüşmək
Partnyor ol