27.04.2021 / 00:00

Köz-badımcan şorbası/ Bahar plovu

Ramazanda iftarını sağlam et!
Bu gün Ramazanın 14-cü günüdür. İftar üçün hazırlaya biləcəyiniz biri şorba olmaqla iki ləziz yemək reseptini sizə təqdim edirik. 

Köz-badımcan şorbası 

Tərkibi:
• 3 ədəd badımcan;
• 2 yemək qaşığı kərə yağı;
• 1.5 yemək qaşığı un;
• 1 stəkan süd;
• 5 stəkan su;
• 1 çay qaşığı duz;
• 1 çay qaşığı iri çəkilmiş qara istiot;
• 1 diş sarımsaq;
• Az miqdarda şüyüd;

Hazırlanması:
1. Badımcanları közləyin;
2. Kərəyağını şorba qazanında əridin və unu azacıq qovurun;
3. Közləşmiş badımcanları kub şəklində doğrayın. Qovrulan unla bərabər badımcanları çevirin, döyülmüş sarımsağı əlavə edin. 
4. Suyu yavaş-yavaş əlavə edin və azacıq qaynadıqdan sonra südü əlavə edib qarışdırın.
5. Ardınca duzu, istiotu əlavə edib, istəsəniz doğradığınız şüyüdlərlə bəzəyin. 

Bahar plovu

• 1 yemək qaşığı kərə yağı;
• 2 stəkan düyü;
• 1 yemək qaşığı zeytun yağı;
• 2,5 stəkan su;
• 1 ədəd kök;
• 1 stəkan yaşıl noxud;
• 1 kiçik doğranılmış kasa şüyüd;
• Duz, istiot.

Hazırlanması:
• Düyüləri suda gözlədərək nişastasının çıxmasını gözləyin və ardınca suyunu süzün;
• Kərə yağı və zeytun yağını plov qazanına qoyun və isidin. Kökü soyun və kiçik kublar şəklində doğrayın. Ardınca, qazana əlavə edərək qovurmağa başlayın. Kökü incə və kiçik doğramağa çalışın, əks halda düyü ilə eyni anda bişməz;
• Daha sonra, düyüləri də üzərinə əlavə edin və bir neçə dəqiqə birlikdə qovurun. Duzu və istiotu əlavə edin;
• Yaşıl noxudu əlavə edin. Suyu da əlavə etdikdən sonra aşağı xodda qapağı qapalı olaraq suyunu çəkənə qədər bişirin;
• Suyu çəkildikdən sonra altını söndürün, incə doğranmış şüyüdü əlavə edin, qarışdırın və dəmlənməsi üçün təxminən 20 dəqiqə gözlədin. Ardınca, servis edə bilərsiniz. 

Nuş olsun!
 

Bölüşmək