Supermarket alış-verişinin üstünlükləri

Supermarket alış-verişinin üstünlükləri

1. Rahat seçim

Aparılan araşdırmalar, bir çox müştərinin alış-veriş edərkən rahat olmaq istəməsi və satış təmsilçilərinin onları müşayiət edərkən narahat olmasını təsdiq edir. Bu baxımdan, supermarket müştəriləri öz istədikləri məhsulları rahat şəkildə özləri seçə bilərlər.  Müştəri xüsusi olaraq istəmədiyi təqdirdə, satış təmsilçiləri müştəriyə yaxınlaşmır və müştəri ən yaxşı seçimi özü edə bilir. 

2. Sabitləşmiş qiymət

Supermarket qiymətləri əsasən sabitdir və qlobal və ya lokal təsirlər olmazsa çox hallarda dəyişməzdir.  

3. Aşağı qiymətlər

Supermarket məhsulları adi marketlərə nisbətən daha aşağı qiymətlərə təklif edilir. Məhsullardakı qiymətləndirmə süni şəkildə edilmədiyindən məhsullar büdcəyə uyğun və münasib qiymətlərlə təklif olunur.

4. Müştəri məmnuniyyəti

Supermarketlərin müasir standartlara uyğun olduğunu əvvəlki bölmələrdə qeyd etmişdik. Bu standartlar arasında müştəri məmnuniyyətinin önəmi də yer alır. Belə ki, kiçik müəssisələrdən fərqli olaraq supermarketlərdə müştərilərin yaxşı və pis geridönüşləri nəzərə alınır və bu istiqamətlərdə işlər görülür.

5. Lazım olan çox şeyin əlçatan olması

İstədiyiniz bir çox məhsulu supermarketlərdə tapa bilərsiniz. Belə ki, meyvə almaq üçün ayrı, ərzaq almaq üçün ayrı, qeyri-qida məhsulları almaq üçün isə ayrı məkanlara getməyə ehtiyac olmadan bunların hər birini bir məkandan əldə edə bilərsiniz. 
 
6. Məhsulların çeşdliliyi

Müxtəlif kateqoriyalar üzrə məhsul çeşidliyinin olması: Supermarket müştərilərə bir məhsul kateqoriyası üzrə müxtəlif çeşidlər təqdim edir. Bunlar isə qiymətinə, markasına və xüsusiyyətlərinə görə fərqlənir ki, siz onların arasından özünüzə tam uyğun olanını seçə bilərsiniz.

7. Standartlara uyğun məhsullar

Ənənəvi marketlərdən fərqli olaraq supermarketlər marka dəyərinə sahib olduğu üçün müştərilərinə təqdim etdiyi məhsulları da xüsusi diqqətlə seçir.


8. Loyallıq proqramları/ Xüsusi təkliflər

Supermarketlərin ənənəvi mağazalardan fərqlərindən biri də supermarketlərin müştərilərinə təklif etdiyi alış-veriş etdikcə bonus qazandıran bonus kart sistemidir. Bonus kartlar alış-veriş etdiyin məbləğlərə uyğun olaraq sənə müxtəlif hədiyyələr qazandıra bilər. Bundan başqa supermarketlərdə müxtəlif əlamətdar günlərlə bağlı endirim kampaniyaları da təklif olunur ki, bu da müştərilərin büdcələrinə daha çox qənaət etmələrinə yardım edir. 

Bölüşmək
Partnyor ol